Общее количество воспитанников- 163
Подготовительная группа №1: 20
Подготовительная группа № 2: 21
Старшая группа № 1: 22
Старшая группа № 2: 22
Библиотека
Оценка качества образования
Сетевой город
Образование
Е-услуги
Образование
Ссылки

Новости

26.04.2019     |     156

Уол о5о инники кэскилбит, эрэлбит.

Уол о5о инники кэскилбит, дурда –хахха буолуохтаах эрэлбит буолар. Уолу спорка сыhыарар, төрөөбут дойдутун таптыыр, бэриниилээх, тулуурдаах, сымса буола улаатарыгар кыра эрдэ5иттэн араас өрүттээх улэ ыытыллар.  
Муус устар 24 күнүгэр Төңүлүтээҕи «Олимпионик» о5о сайдар киинигэр улуус иhинэн «Хоhуун уол» военнай-спортивнай күрэх, бэлэмнэнии бөлөх уолаттарыгар буолан ааста. Аллараа Бэстээх «Солнышко», «Сказка», Майа «Мичил», «Кэнчээри», «Чуораанчык», Павловск «Мичээр», Төхтүр «Мичил»,  Матта «Ньургуhун», Балыктах «Звездочка», Дьабыыл «Кэскил»,  Төӊүлү «Олимпионик» детсадтарыттан барыта 11 о5о кытынна.
Уолаттар ох курдук оӊостон, бэлэмнэнэн кэлэн күрэх 7 түhүмэ5эр бэйэлэрин кыахтарын көрдөрдүлэр. Ол курдук: «Будущий защитник» I түhүмэххэ уолаттар Россия гимнин толордулар, строевой бэлэмнэрин көрдөрдүлэр. II түhүмэх военизированнай эстафета5а уолаттарга ким түргэнин, сымсатын судьялар бириэмэни көрөн быhаардылар. Российскай Армия историятын, военнай техникатын, войскаларын төhө билбиттэрин III түhүмэх быhаарда. IV түhүмэххэ площадка5а тахсан гранатанан ыраа5ы кыыратыыга күрэхтэстилэр. Имигэс тарбах, булугас өй, V түhүмэххэ быаны сүөрүүгэ көhүннэ. Маска тоhо5ону саайыы, хаптаhыны эрбээhин саамай тыӊааhыннаах түhүмэхтэринэн буоллулар.
Күрэхтэhии түмүгүн дьүүллүүр сүбэ (Төңүлү орто оскуолатын физкультура5а уонна военнай үөрэхтээhиннэ урдуку категориялаах учуутала, ССРС спордун маастара Эверстов В.С., физкультура уонна спорт туйгуннара, Төңүлү орто оскуолатын үрдүкү категриялаах уучууталлара Иванов С.И., Мэнэ-Ханалас үөрэ5ин салалтатын дошкольнай үөрэхтээhин отделын специалиhа Дьяконов А.А. ) быhаарыытынан III миэстэ Говоров Айтал Төхтүр «Мичил» , II миэстэ Мохначевский Сергей Майа «Кэнчээри» (сал. Павлова А.Н., Григорьева Д.В.)   I миэстэ Петров Егор Майа «Мичил»  (сал. Герасимова Н.В.)  уонна «Хоhуун уол» ааты Баишев Антон  Төӊүлү «Олимпионик» детсад иитиллээччитэ (сал. Игнатьев И.И) ыллылар. Кыттааччылар анал ааттарынан бэлиэтэннилэр, ол курдук «Дьулуурдаах уол» - Ноговицын Арыл5ан (Балыктах «Звездочка»), «Эрчимнээх уол» - Соколовский Слава (Аллараа -Бэстээх, «Солнышко»), «Дьаныардаах уол» - Андросов Вадим (Матта «Ньургуhун») . Бары кыттыбыт уонна кыайыылаах кырачаан Хоhуун уолаттарбыт куруутун ат үрдүгэр буолан, Сахабыт сирин, Мэӊэбит улууhун ханна да сырыттаргыт ааттата, киэн тута сылдьыахтара диэн эрэнэбит!


К списку
Создано: 26.04.2019 10:10:15   |   Изменено: 26.04.2019 10:12:16
Видео
Видеосказка "Дьикти холтуун" по мотивам литовской сказки
Фотографии